Chiang Kai-Shek

Dr Chiang Kai-shek oder Tschiang Kai Schek (chin. 蔣介石 / 蒋介石, Jiǎng Jièshí, W.-G. Chiang Chieh-Shih, Pe̍h-oē-jī Chiúⁿ Kài-se̍k; anderi Schrybwys chin. 蔣中正 / 蒋中正, Jiǎng Zhōngzhèng, W.-G. Chiang Chung-cheng, Pe̍h-oē-jī ChiúⁿTiong-chìng; * 31. Oktober 1887 z Xikou, Landkreis Fenghua, Provinz Zhejiang; † 5. April 1975 z Taipeh) isch en chinesische Militärfüerer und Politiker in der Zyt nach dr Xinhai-Revolution (1911) und ab 1925 Füerer vom Kuomintang gsi.

Im Chinesische Bürgerchrieg (1927–1949) isch er dr Gägespiele vom Mao Zedong gsi. Bevor d Komunischte uf em chinesische Festland d Gwalt a sich grisse hend, isch dr Chiang Kai-shek z China dr wichtigscht Politiker gsi. Er isch Presidänt, gsi, Marschall und Generalissimus vom chinesische Milidär.

Wo d Komunischte ufem Festland gunne gha hend, isch d Regierig mit em Chiang Kai-shek uf d Insle Taiwan ggange und het dört ane 1949 dr separat Staat Republik China usgruefe, i dr Meinig, das sig dr legitim Nochfolger vom alte China. Taipeh isch d Hauptstadt vo däm Land worde. Bis ane 1975 het dr Chiang Kai-shek d Regierig vo däm Räschtstaat agfüert.